Kógaldaǵy hokkeıden Azıadaǵa irikteýde Qazaqstan tórtinshi jeńisine jetti
NUR-SULTAN. QazAqparat – Kógaldaǵy hokkeıden Qazaqstan áıelder quramasy Azııa oıyndaryna irikteý satysynda tórtinshi jeńisine qol jetkizdi, dep habarlaıdy QazAqparat tilshisi.
Bul joly qazaqstandyq hokkeıshiler Shrı-Lanka quramasymen kezdesti. Oıyn barysynda el quramasy basymdyq tanytty. Nátıjesinde qarsylasyn 5:1 esebimen súrindirdi.
Eske salsaq, budan buryn Indonezııany 1:0, Ózbekstandy 2:0, Kambodjany 4:0 esebimen jeńip, odan keıin Gonkongqa 0:4 esebimen jol berdi.
El quramasy irikteý kezeńinde Ózbekstan, Indonezııa, Gonkong, Shrı-Lanka, Kambodja jáne Sıngapýrmen bir topta synǵa túsedi.
Elimizdiń áıelder quramasy Azııa oıyndarynyń fınaldyq satysyna tórt márte qatysty. 1998, 2014 jyldarda 6-oryn alsa, 2010 jyly - 7, 2018 jyly 10-oryndy mise tutty.
