Kógaldaǵy hokkeı: QR áıelder quramasy Azııa oıyndaryna joldama aldy
ASTANA. QazAqparat - Qazaqstannyń áıelder quramasy kógaldaǵy hokkeıden ústimizdegi jylǵy tamyz aıynda ótetin jazǵy Azııa oıyndaryna joldama utyp aldy, dep habarlaıdy QazAqparat QR Ulttyq Olımpıada komıtetine silteme jasap.
Indonezııada ótetin jazǵy Azııa oıyndarynda Qazaqstan namysyn 15 sportshy qorǵaıtyn bolady.
Qazaqstan quramasy Azııa oıyndarynyń joldamasyn alý úshin Taılandtyń Bangkok qalasynda Qytaılyq Taıpeı, Gonkong, Sıngapýr, Pákistan, Indonezııa jáne Taıland komandalarymen kúsh synasty. Onda óz tobynda tórtinshi oryndy alyp, jazǵy Azııa oıyndaryna qatysý quqyǵyn jeńip aldy.
Іrikteý barysynda qazaqstandyq hokkeıshi qyzdar Pákistan, Indonezııa jáne Taıland quramalaryn oısyrata jeńdi. Alaıda, Sıngapýr men Gonkongqa ese jiberip, Qytaılyq Taıpeımen teń tústi.
«Shyny kerek, lıtsenzııalyq týrnır biz úshin óte qolaısyz ýaqytta uıymdastyryldy. Azııa elderiniń basym bóliginde aýa temperatýrasy joǵary ekenin bilesizder. Sol sebepti, kóptegen memleketter úshin jarysty qysta uıymdastyrǵan yńǵaıly. Al alty aı boıy qys qursaýynan shyqpaıtyn Qazaqstan úshin bul kóptegen yńǵaısyzdyqtar týdyrdy. Týrnırge daıyndalý úshin daladaǵy alańymyzda jattyǵý kerek. Kúnniń sýyǵyna qaramastan qar ústinde jattyǵyp, joldamaǵa qol jetkizdik», - deıdi Kógaldaǵy hokkeı federatsııasynyń bas hatshysy Serik Kalymbaev.
Bas hatshy qolaısyzdyqtarǵa qaramaı, joldama jeńip alǵan oıynshylardyń sheberligi men tájirıbesine úlken úmit artatynyn aıtady. Týrnır barysynda Qazaqstan quramasynyń taılandyq sportshylardy iri eseppen jeńýi bizdiń oıynshylardy jigerlendire túsken.
«Elimizde kógaldaǵy hokkeı mektebiniń myqty bolǵanyn bilesizder. Biraq sporttyń bul túri asa tanymal bolmaǵandyqtan, damýymyz azdap tejeldi. Kezinde biz qarsylas sanamaıtyn komandalardyń ózimizdi utyp ketken sátteri kóp boldy. Búgingi hokkeı bir orynda turǵan joq. Sol úshin, kún saıyn shynyǵa túsýimiz kerek. Kóptegen elder hokkeıdi damytý úshin shetelden kásibı mamandar shaqyrtýda. Bizdiń el de sporttyń bul túrine oń kózqaras tanytyp otyr», - deıdi Serik Kalymbaev.
Qazaqstanda kógaldaǵy hokkeıge qyzyǵatyn jas jetkinshekter sany kóbeıip jatyr. Sporttyń bul túrinen úıirmege jazylatyn jastardyń kóbeıýi bapkerler men federatsııa ókilderiniń bolashaqqa degen senimin arttyrýda. Ásirese, Taldyqorǵan qalasynda bul sportpen shuǵyldanatyndardyń qatary mol.
Maýsym aıynda kógaldaǵy hokkeıden Qazaqstannyń áıelder quramasy Taldyqorǵanda oqý-jattyǵý jıyndaryn ótkizedi.
