Kógaldaǵy hokkeı: Qazaqstan áıelderi ortalyq Azııa chempıonatynda top jardy

ASTANA. KAZINFORM - 26 aqpan men 3 naýryz aralyǵynda Ózbekstannyń Ándijan qalasynda kógaldaǵy hokkeıden erler men áıelder arasyndaǵy ortalyq Azııa elderiniń chempıonaty ótti.

Sportty damytý dırektsııasynyń baspasóz qyzmeti qyzmeti málim etkendeı, Azııa hokkeı federatsııasy (AHF) uıymdastyrǵan bıylǵy básekede erler arasynda Qazaqstan, Qyrǵyzstan, Oman, Tájikstan, Ózbekstan komandalary synǵa tústi. 

Al áıelder arasynda Qazaqstan, Oman, Tájikstan, Ózbekstan quramalary ózara kim myqtyny anyqtady.

Nátıjesinde Nurjan Beıbitov baptaıtyn elimizdiń áıelder quramasy alǵashqy oıynda Tájikstandy 13-1 esebimen oısyrata jeńdi. Sosyn, Ózbekstan hokkeıshilerimen teń túsken (1-1). 

Al jarys qojaıyndarymen bolǵan ekinshi matchta Qazaqstan quramasy 2:1 esebimen jeńip, top jardy. Qazaqstanǵa Vıktorııa Lıapınanyń dýbli sheshýshi kezdesýde bas júlde alyp keldi.

Qazaqstan erler quramasy jartylaı fınalda qarsylasqa jol berip, qola medal aldy. Munda bas júldeni fınalda Tájikstannan basym túsken Ózbekstan quramasy jeńip aldy.