Kofı Annan Sırııadaǵy arnaıy elshi qyzmetinen ketedi
ASTANA. 3 tamyz. QazAqparat - BUU-nyń sırııalyq janjaldardy retteý jónindegi arnaıy ókili Kofı Annan óz qyzmetinen ketýge sheshim qabyldady,
dep habarlady reseılik jańalyqtar agenttigi.
K.Annannyń otstavkaǵa ketetindigi jaıynda BUU Bas hatshysy Pan Gı Mýn habardar etti. Sırııa boıynsha arnaıy elshi biraz ýaqyt óz qyzmetin jalǵastyratyn bolady. Onyń resmı otstavkasy 31 tamyzda kúshine enedi.
AFP málimetteri boıynsha, Jenevada sóz sóıleý barysynda óziniń mıssııasynyń qoldaýǵa ıe bolmaǵandyǵyn aıtqan Kofı Annan: «Halyqaralyq qoǵamdastyq topqa bólingen. Osynyń barlyǵy meniń tapsyrmamdy qıyndatty», - depti.
Ol aqpannyń sońynan beri Sırııa boıynsha arnaıy elshi bolyp jumys istegen edi. Al oǵan deıin BUU Bas hatshysy boldy.
