Kofı Annan: AQSh pen onyń odaqtastarynyń Irakqa basyp kirýi qatelik boldy
ASTANA. QazAqparat - AQSh pen onyń odaqtastarynyń Irakqa basyp kirýi qatelik bolyp, «Islam memleketi» ekstremıstik tobynyń qurylýyna septigin tıgizdi. Mundaı pikirin jeksenbi kúni Mıýnhendegi konferentsııa kezinde BUU-nyń burynǵy bas hatshysy Kofı Annan bildirip ótti, dep habarlaıdy TASS.
«Kezinde men oǵan (basa kirýge) qarsy bolǵanmyn», - dedi ol.
«Bul sheshim jaǵdaıdy aýyrlatty, al Iraktyń qaýipsizdik kúshterin taratý sheshimine kóńilderi tolmaǵan áskerı qyzmetkerler men polıtseıler jumyssyz qaldy», - dep atap ótti Annan, olardyń keıbireýleriniń keıinnen «Islam memleketine» qosylǵanyn aıta kele.
«Demokratııany sáıkestendirilgen ınstıtýttarsyz tez qurý jemqorlyq rejıminiń paıda bolýyna ákelip soqtyrdy», - dep qosyp ótti burynǵy BUU bas hatshysy.
Ol sondaı-aq «ıslam lańkestigi Taıaý Shyǵystaǵy alýan túrlilik pen plıýralızmdi joıyp otyrǵanyn» qosyp ótti.
