Kofeniń qandaı paıdasy bar?
ASTANA. QazAqparat - Alǵashynda kofeni densaýlyqqa zııan dep tanyǵan bolatyn. Alaıda, zertteý nátıjeleri kofeniń kóptegen paıdaly qasıetterin anyqtady, dep jazady confederation.kz.
Jumys isteý qabiletin arttyrýdan bólek, kofe aǵzadaǵy termogendi maılarǵa áser etýimen erekshe. Sonymen qatar, kofeın kofedegi termogendi zattardyń áserin arttyra túsedi. Eger siz shamamen jattyǵýǵa deıin bir saǵat ishinde kofe ishseńiz, kofeın áseri meıilinshe biline túsedi.
Kofe kúshke arnalǵan jattyǵýǵa deıin óte paıdaly. Óıtkeni, sońǵy zertteýler boıynsha aýrýdy basatyn aspırınnen góri, kofeniń áseri jaqsyraq.
Kofeniń densaýlyqqa, adam aǵzasyna kómegi zor. Eger kúnine kofeni úsh retten iship tursa, ekinshi toptaǵy dıabettiń aldyn alýǵa bolady. Búırekke tastyń jınalmaýyna áser etedi.
Mólsherleý: Kúnine 1-2 úlken kesemen qaınatylǵan kofe ishý qajet. Olardyń árqaısysynda 100-200 mg kofeın (eritiletin kofede ádette 100 mg kofeın kem shyǵady. Al úlken kesemen ishse, kofeın mólsheri 500 mg jetý múmkin).
