Kofeıni bar kofe qan tamyrlardyń tıimdi jumys isteýine kómektesedi
ASTANA. 26 qarasha. QazAqparat - Júrek aýrýlary dárigerleri kútpegen qorytyndy shyǵardy: kofeın qan aǵýyn jaqsartýy múmkin, dep jazady meddaily.ru. 27 deni saý adamǵa jasalǵan zertteý alǵash ret kofeıni bar bir shynyaıaq kofeniń saýsaqtardaǵy qan aǵymyn aıtarlyqtaı kúsheıtetinin kórsetti.
Osylaısha, bir shynyaıaq kofeden keıin adamdarda ári qaraıǵy 75 mınýt ishinde qan aǵymy 30%-ǵa jaqsarǵany baıqalǵan. Kofeınsiz kofe eshqandaı áser bermegen.
Rıýkıý Ýnıversıteti zertteýshileriniń sózine qaraǵanda, zertteýge únemi kofe ishpeıtin adamdar qatysty. Olardyń barlyǵy 22 jastan 30 jasqa deıingi adamdar bolǵan. Zertteýdiń bir kúninde ár qatysýshy kofeınsiz kofe ishedi. Sosyn kofeniń basqa túrimen eksperımentti qaıtalaǵan.
