Kofeın qosylǵan gazdalǵan sý bala mıynyń qalypty damýyn tejeıdi
ASTANA. 28 qyrkúıek. QazAqparat - Kofeın qosylǵan gazdalǵan sý bala mıynyń qalypty damýyn tejeıdi, dep habarlaıdy meddaily.ru saıtynan.
Ǵalymdardyń sózine qaraǵanda, kofeın jasóspirimderdi mı úshin mańyzdy bolyp tabylatyn qatty uıqydan aıyratyn bolǵandyqtan, qaýipti. Al eger sol sátte mı durys damymasa, jasóspirim shızofrenııa, tynyshsyzdyqqa shaldyǵýy múmkin.
Másele jasóspirim jasta kereksiz neırondyq qosylystar - sınapstar joıylatyndyǵynda. Al uıqy osy úrdistiń qalypty ótýi úshin qajet. 300-400 mıllıgramm kofeın (kúnine 4 banka energetıka nemese 3-4 kese kofe) balalar men jasóspirimderdiń jaǵdaıyna naqty áser etýi múmkin.
"1 banka Red Bull-da 80 mıllıgramm kofeın bar", - deıdi Tsıýrıh Balalar aýrýhanasy ýnıversıtetiniń professory Reto Ýber. Sońǵy 30 jylda kofeındi tutyný balalar men jastar arasynda 70%-ǵa ósip otyr.
Ǵalymdar zertteý júrgizý kezinde jas kemirgishterge kofeın qosylǵan sý bergen. Zertteý barysynda anyqtalǵandaı, sý ishken tyshqandarǵa qaraǵanda ekinshi toptaǵy kemirgishterdiń uıqysy nashar bolǵan.
