Kofe kózge paıdaly ma?
ASTANA. QazAqparat - AQSh ǵalymdary kofe ishý kózge paıdaly bolýy múmkin degen pikirde. Bul týraly Medicinform habarlaıdy.
Mamandardyń aıtýyna qaraǵanda, kofe quramyndaǵy antıoksıdant - hlorogendik qyshqyl (CLA) kózdiń tor qabatyn degeneratsııadan saqtaıdy. Adamdarda bundaı aýrý kóbine kárilikpen, glaýkoma, dıabetpen baılanysty bolyp keledi.
Tyshqandarǵa tájirıbe jasaý kezinde CLA alyp otyrǵan tyshqandarda tor qabatynyń zaqymdanýy baıqalmaǵan. Zertteýshilerge endigi maqsaty - hlorogendik qyshqyldyń kózdiń tor qabatyna tikeleı áserin bilý. Eger áseri bolsa, onda arnaıy kózge tamyzatyn dári jasaýǵa bolar edi.
Sarapshylar kofe álemdegi eń tanymal sýsyndardyń biri bolyp tabylatyndyqtan onyń paıdasyn da bile júrgen abzal dep esepteıdi.
