Kofe densaýlyqqa zııan emes pe - zertteý

NUR-SULTAN. QazAqparat - «Kofeni unatatyn halyqqa Anglııadan jaqsy jańalyq keldi. Ǵalymdar tipti kúnine quramynda kofeın bar sýsynnyń 25 kesesin ishýdiń ózi densaýlyqqa zııan bolmaıtynyn anyqtapty», dep jazady Avstrııanyń Kurier basylymy.

Avtordyń jazýynsha, zertteýge úsh topqa bólingen 8 412 adam qatysqan.

«Birinshi top kúnine bir shyny kofe ishken. Ekinshi top kúnine 1-3 shyny, úshinshi top odan kóp kofe ishken. Ortasha eseppen úshinshi top qatysýshylary kúnine 5, keıbireýi 25 shyny kofe ishken», dep jazady avtor.

Zertteýshiler kofeni kóp ishken adamdardyń qan quramynan kofeni az ishkendere qaraǵanda esh aıyrmashylyq tappaǵan.

«Zertteýge qatysýshylardyń barlyǵy MRT arqyly júrekterin teksertti jáne arnaıy ınfrakúlgin datchıkter arqyly pýlterin ólshetti. Adamnyń dene salmaǵy, shylym shegý, shekpeýi men jasyna qaramastan zertteý nátıjesinde esh aıyrmashylyq baıqalmady», dep jazady avtor.

Zertteý málimetterine qaramastan kofe taqyryby áli de qarama qaıshylyqtarǵa toly. Mysaly, jaqynda Avstrııa zertteýshileri kúnine alty keseden artyq kofe ishetinder júrek qan tamyr aýrýlaryna 22%-ǵa jıi shaldyǵatynyn anyqtaǵan.