Kofe aryqtaýǵa kómektese me
NUR-SULTAN. QazAqparat - «Kofe tek álemdegi eń tanymal sýsyndardyń biri ǵana emes. Ǵalymdardyń aıtýynsha, onyń densaýlyqqa da paıdasy bar. Ǵalymdar júrgizgen zertteý nátıjesinde quramynda kofe bar sýsyndar dıabetten, qanaınalym aýrýlarynan, DNQ-ny zaqymdalýdan qorǵap, este saqtaý qabiletin jaqsarta alady», - dep jazady Focus jýrnaly. Avtordyń aıtýynsha, Nottıngem ýnıversıtetiniń ǵalymy Maıkl Saımonds bastaǵan bir top ǵalym kofeniń paıdaly áseri týraly zertteý júrgizgen.
«Zertteý nátıjelerinde kofeniń termogenınge áser etetini anyqtaldy. Zertteý barysynda ǵalymdar kofe ishken adamdardyń belgili bir dene múshelerinde temperatýranyń artqanyn baıqaǵan. Ǵalymdardyń aıtýynsha, bul kofeniń aǵzadaǵy maıdy erite alatynyna alǵashqy dálel bola alady. Ǵalymdar zertteýdi jetildire kele artyq salmaq pen dıabetpen kúresýge kómektesetin jańa ádister tabýǵa tyrysyp kórmek», - dep jazady avtor.
