Kodekster men zańdarǵa ekologııalyq máseleler boıynsha ózgerister men tolyqtyrýlar engiziledi
ASTANA. 30 mamyr. QazAqparat - Erteń, 31 mamyr kúni, Májilistiń Ekologııa máseleleri jáne tabıǵat paıdalaný komıtetiniń keńeıtilgen otyrysy ótedi.
Onda «Qazaqstan Respýblıkasynyń keıbir zańnamalyq aktilerine ekologııalyq máseleler boıynsha ózgerister men tolyqtyrýlar engizý týraly» zań jobasy talqyǵa salynady.
Zań jobasy ekologııalyq taza óndiristerdi damytýǵa, emıssııa kólemin azaıtýǵa, sonymen qatar ekologııalyq quqyq buzýshylyqtarǵa qarsy tıimdi is-qımyl jasaýǵa jáne ekologııalyq quqyq buzýshylyqtar men qylmystar jasaǵany úshin jaýapkershilikti qúsheıtýge baǵyttalǵan.
Osy zań jobasymen Ekologııalyq, Qylmystyq, Salyq, Bıýdjet kodeksterge, «Ákimshilik quqyq buzýshylyqtar týraly» Kodekske jáne basqa zańnamalyq aktilerge ózgerister men tolyqtyrýlar engizý usynylǵan.
Sonymen qatar zań jobasynda ekologııalyq quqyq buzýshylyqtar boıynsha quqyq qoldaný praktıkasyn jaqsartýdy kózdeıtin ózgerister engiziledi.
Jınaqtalǵan qaldyqtardyń kólemin azaıtýdy yntalandyrý úshin zań jobasynda Salyq kodeksinde jınaqtalǵan kólem úshin tólem alýdyń jańa tetigin qoldanýdy qózdeý usynylyp otyr.
Úkimet ázirlegen zań jobasy Májiliske 2011 jyly 12 qańtarda kelip túsken. Zań jobasy boıynsha qurylǵan jumys tobyna Májilistiń Ekologııa máseleleri jáne tabıǵat paıdalanýkomıtetiniń múshesi Vladımır Nehoroshev jetekshilik etedi. 10 aqpanda bas komıtettiń qaýlysymen jumys toby quryldy. Bul topqadepýtattar Erbolat Ápsalıamov, Ashat Bekenov, Qylyshbaı Bısenov, Qabıbolla Jaqypov, Irak Elekeev, Alııar Jarasbaev, Tólegen Ibraev, Quttyqoja Ydyrysov, Aleksandr Mılıýtın, Muhtar Tinikeev múshe bolyp engen.
Zań jobasynyń maqsaty jóninde QR Qorshaǵan ortany qorǵaý mınıstri Nurǵalı Áshim baıandama jasaıdy dep kútilýde.
