Kodeks jobasynda ákimshilik jaýapkershilikke tartý men jazalaýdyń kóptegen negizderi naqtylanǵan
ASTANA. Aqpannyń 25-i. QazAqparat - Kodeks jobasynyń qajettiligi Qazaqstan Respýblıkasynyń Ákimshilik is júrgizý kodeksin ázirleýge jáne qabyldaýǵa baılanysty bolyp otyr.
Osyǵan oraı Qazaqstan Respýblıkasynyń Ákimshilik quqyq buzýshylyq týraly kodeksinen is júrgizý normalary alynyp tastalady da, jańa redaktsııadaǵy Ákimshilik quqyq buzýshylyq týraly kodeksi qabyldanady. Búgin osyndaı maqsatty kózdegen «Qazaqstan Respýblıkasynyń Ákimshilik quqyq buzýshylyq týraly kodeksi (jańa redaktsııa), «Qazaqstan Respýblıkasynyń Ákimshilik is júrgizý kodeksi jobalarynyń Májiliste tanystyrylymy bolyp ótti, dep habarlaıdy QazAqparat.
Sonymen qatar «Qazaqstan Respýblıkasynyń keıbir zańnamalyq aktilerine is júrgizý zańnamasy máseleleri boıynsha ózgerister men tolyqtyrýlar engizý týraly» zań jobasy da tanystyryldy.
Zańnamalyq aktilerdiń tanystyrylymyn Májilistiń Zańnama jáne sot-quqyqtyq reforma komıteti uıymdastyryp otyr.
Májilistiń Zańnama jáne sot-quqyqtyq reforma komıtetiniń tóraǵasy Rahmet Muqashev kirispe sózinde bul qujattardyń mańyzdylyǵyn aıtyp ótti.
«Zań jobalaý jumystarynyń josparyna sáıkes, Ádilet mınıstrligi Ákimshilik is júrgizý kodeksi jáne Ákimshilik quqyq buzýshylyq týraly kodeksi jáne ilespeli zańynyń jobalaryn ázirledi»,- dedi zań jobasy jóninde depýtattarǵa túsinik bergen QR Ádilet mınıstriniń orybasary Dýlat Qusdáýletov.
Ákimshilik quqyq buzýshylyq týraly kodeksiniń jańa redaktsııasymen silteme normalardy joıý, naqty quqyq buzýshylyq quramdaryn kórsetý, eń tómengi jáne barynsha joǵary mólsherdegi aıyppul aıyrmashylyqtaryn eleýli tómendetý, aıyppuldyń belgilengen mólsherlerin bekitý, jeke-quqyqtyq nemese azamattyq delıkterge belgilengen jaýapkershilikti alyp tastaý maqsatyn kózdelip otyr. Kodeks jobasynda ákimshilik jaýapkershilikke tartý men jazalaýdyń kóptegen negizderi naqtylanǵan.
Al Ákimshilik is júrgizý kodeksiniń jobasy boıynsha naqty isterdiń sheshýi boıynsha ákimshilik is júrgizý qatynastary ýákiletti sýbektileriniń is júrgizý qyzmetin, ákimshilik daýlardy, memlekettik basqarý aıasynda ákimshilik quqyq buzýshylyqty memlekettik organdardyń zańsyz áreketinen (áreketsizdiginen) ákimshilik sottarda quqyqtary men bostandyqtary jáne zańmen qorǵalǵan adam men azamattyń múddeleri jáne zańmen qorǵalǵan zańdy tulǵanyń múddelerin qorǵaý tártibi retteledi.
«Qazaqstan Respýblıkasynyń keıbir zańnamalyq aktilerine is júrgizý zańnamasy máseleleri boıynsha ózgerister men tolyqtyrýlar engizý týraly» zań jobasymen lıtsenzııalaý týraly zańnamasyn jetildirý máselesi boıynsha «Keden kodeksi», «Lıtsenzııalaý týraly», «Baılanys týraly», «Notarıat týraly» jáne t.b zańdarǵa túzetýler engiziledi.
