Kodeks jobasy: Quny 450 mln teńgeden asatyn jyljymaıtyn múlik ıeleri ulǵaıtylǵan salyq tóleıdi

ASTANA. KAZINFORM – Májiliste Salyq kodeksiniń jańa redaktsııasyn tanystyrǵan Premer-mınıstrdiń orynbasary – Ulttyq ekonomıka mınıstri Serik Jumanǵarın sán-saltanat salyǵy kimderge qoldanylatyn aıtty.

- Biz «sán-saltanat salyǵy» dep atalatyn taýarlardyń jekelegen sanattaryna joǵary salyq salýdy usynamyz. Ol úshin jyljymaıtyn múlik quny 450 mıllıon teńgeden asatyn bolsa, múlik salyǵynyń mólsherlemesin ulǵaıtý usynylady. Sondaı-aq quny 75 mıllıon teńgeden asatyn jeńil avtomobılderge, sondaı-aq qymbat teńiz kemeleri men ushý apparattaryna aktsızder engizý josparlanyp otyr. Ádildik maqsatynda qymbat alkogoldik sýsyndar men sıgaralarǵa 10% aktsızder usynylady, - dedi vıtse-premer.

Sondaı-aq ol arnaýly salyq rejımderi reformaǵa túsetinin aıtty.

Kodekstiń jańa redaktsııasynda arnaýly salyq rejımderiniń sanyn 7-den úshke deıin túsirý usynylǵan. Olar:

1. Ózin-ózi jumyspen qamtyǵandar úshin jańa jeńildikti rejım.

2. Ońaılatylǵan deklaratsııa negizindegi arnaýly salyq rejımi.

3. Sharýa jáne fermer qojalyqtary úshin arnaýly salyq rejımi.

Aıta ketý kerek, Salyq kodeksiniń jańa redaktsııasynda QQS salynatyn aınalymnyń tómengi shegin 40 mln teńge dep belgileý usynylyp otyr.