Škoda Qazaqstanda trolleıbýs shyǵaratyn zaýyt ashý múmkindigin qarastyryp jatyr

NUR-SULTAN. QazAqparat - KAZAKH INVEST pen «Škoda Transportation» jáne «Elektrotechnika» cheh kompanııalarynyń ókilderi arasyndaǵy kezdesýde Qazaqstanda óndiristik qýatyn ornalastyrý perspektıvalary talqylandy, dep habarlaıdy QazAqparat.

Kezdesý barysynda «Škoda Transportation» óńirlik dırektory Roman Sorkın men «Elektrotechnika» bıznesti damytý jónindegi dırektory Lıbor Novak cheh delegatsııasynyń Qazaqstanǵa saparyn uıymdastyrýǵa kómekteskeni úshin KAZAKH INVEST-ke alǵys aıtyp, ekijaqty ınvestıtsııalyq yntymaqtastyqqa qyzyǵýshylyq bildirdi.

Óz kezeginde «KAZAKH INVEST» UK» AQ basqarma tóraǵasy Meıirjan ıÝsýpov mashına jasaý salasyndaǵy ınvestıtsııalyq jobalardy damytý Qazaqstan ekonomıkasynyń basym sektorlarynyń biri sanalatynyn atap ótip, jobalardy odan ári qoldaýdy rastady.

Cheh kompanııalary strategııalyq jáne tehnologııalyq ınvestorlar retinde Qazaqstanda trolleıbýstar men elektrobýstar óndirisin oqshaýlaý múmkindigin zerdeleýde.

Qazaqstan Respýblıkasynyń Cheh Respýblıkasyndaǵy Elshiligi men KAZAKH INVEST uıymdastyrǵan sapary aıasynda Almaty, Nur-Cultan qalalarynyń ákimdikterinde jáne «Qazaqstan temir joly» UK» AQ-da kezdesýler ótti.

Onda cheh kompanııalary megapolısterdi kólikpen qamtamasyz etýdegi jáne qoǵamdyq kólikti jańǵyrtýdaǵy yntymaqtastyq perspektıvalaryn talqylady.

«Škoda Transportation» kompanııasy - metro, tramvaı, trolleıbýs, temirjol vagondary, elektr poıyzy jáne elektr avtobýstary sııaqty kólik túrleriniń jetekshi eýropalyq óndirýshileriniń biri.

«Elektrotechnika» kompanııasy - metro men temirjol kóligine arnalǵan tramvaı jáne trolleıbýs jelilerine arnalǵan ártúrli tıptegi tartqysh júıelerdiń iri óndirýshisi.