Kóbeıtuzdaǵy oqıǵa: Qoǵam belsendisi qorshaǵan ortany qorǵaýǵa úndeıtin pıket ótkizdi
NUR-SULTAN. QazAqparat - Belgili qoǵam belsendisi Ásem Omar qoǵamnyń nazaryn qorshaǵan ortany qorǵaýǵa aýdarý maqsatynda «Aıala- Aıama» atty pıket ótkizdi, dep habarlaıdy QazAqparat.
Ekologtyń pikirinshe bir áriptiń ózi álemdi ózgerte alady.
«Sýy qyzǵylt tústi Kóbeıtuzda kóliktiń izin qaldyryp, tuzdy qazyp alǵannan keıin shuńqyr bop qaldy. Bul qaıǵyly jaǵdaı. Bálkim biz tutas álemdi ózgerte almaıtyn shyǵarmyz, biraq ekologııalyq mádenıet, ekologııalyq bilimdi kóterýdi jáne turǵandarymyz ben jaqyndarymyzdyń tárbıesin ózimizden bastaı alamyz»,- deıdi Ásem Omar.
Pıket ótkizý arqyly ekobelsendi halyqty tabıǵatty aıalaýǵa shaqyrdy.
«Búgin - bilim kúni. Tabıǵatqa meıirimdilik tanytý men ony qorǵaý manyzdy. Bunymen tek muǵalimder ǵana emes, ata-analar da aınalysýy kerek», - dep túıdi sózin ol.
