Kóbeıtuz kólinen tuz ben batpaq alǵandar jaýapkershilikke tartylmaq
«Osy aýmaqta ár apta saıyn kóldiń aınalasyn tazartamyz, óıtkeni demalýshylar qoqystaryn jınamaı, osynda qaldyryp ketedi. Kóptegen adam kóldi kórý úshin Nur-Sultannan, Pavlodardan, Qaraǵandydan keledi. Biz tabıǵatty, baılyǵymyzdy qorǵaý úshin eriktilerdi tartamyz. Olar barlyq qoqysty sómkelerge jınaıdy. Odan keıin kóliktermen polıgonǵa aparady. Keshe polıtsııa qyzmetkerleri 33-ke jýyq ákimshilik sıpattaǵy zań buzýshylyqty anyqtady. Bireý ot jaǵyp, bireý qoqys tastaıdy, alkogoldik ishimdik ishkender de boldy. Ózderińiz bilesizder, pandemııa kezinde bul kólge barýǵa tyıym salyndy. Úsh mobıldi top, jedel shtab jáne mobıldi patrýl qurdyq. Olardyń barlyǵy qorshaǵan ortanyń lastanýyn boldyrmaýǵa baǵyttalǵan», - deıdi Ereımentaý aýdany ákimi Abaı Áljanov arnaıy uıymdastyrylǵan baspasóz týry barysynda.
Al QR Ekologııa, geologııa jáne tabıǵı resýrstar mınıstrligi Ekologııalyq retteý jáne baqylaý komıtetiniń tóraǵasy Zulfuhar Joldasovtyń aıtýynsha, kóldiń mańynda birneshe polıtsııa jelileri ornalasqan.
«Bul - ýaqytsha sheshim. Endi ekologııalyq sektormen birge biz tabıǵı resýrstardy tuz jáne saz túrinde alyp júrgen barlyq buzýshylardy ustaımyz jáne aıyppul salamyz. Ekinshi problema - bul jerge adamdardyń jappaı jınalýy. Arnaıy ınfraqurylym joq, aınala toly qoqystar. Bul máseleniń sheshimi bos ýaqytty jáne demalysty uıymdastyratyn jeke tulǵalar úshin demalys aımaǵyn qamtamasyz etýden turady. Shyn máninde, bul óte erekshe jáne ádemi jer, bárin, tipti sheteldik týrısterdi de qyzyqtyrady. Birneshe jyl boıy kól qyzǵylt túske boıalýy erekshe tabıǵı qubylys», - deıdi ol.
Sonymen qatar, ol erteń ınspektorlar men polıtsııa qyzmetkerleri qyzǵylt kóldi qaǵaǵalaýǵa jiberiletinin aıtty. Olar tuz alyp júrgen adamdardy ustap, jaýapkershilikke tartpaq.
Sanıtarlyq qyzmet sýdyń synamasyn aldy. Eshqandaı patologııa anyqtalǵan joq. Tuzda joǵary kontsentratsııa bar. Árıne, bul sýdy tutynýǵa bolmaıdy. Ekologtar odan ári taldaý úshin tunba shógindilerin aldy.
«Biz tuz alǵandardy, qoqys tastaǵandardy ustaımyz, aıyppul salamyz. Óıtkeni bul tabıǵı resýrstar. Sý aıdyny bolǵandyqtan, ereje buzýǵa bolmaıdy. Biz sanktsııa sharalaryn qabyldaýymyz kerek, durys emes demalýdy toqtatýymyz kerek. Tuz úshin aıyppul qansha mólsherde alǵanyna baılanysty, al qoqys tastaǵany úshin jeke jáne zańdy tulǵaǵa aıyppul mólsheri 5 AEK jáne odan joǵary bolady. Jalpy Nur-Sultanǵa jaqyn jerde adamdar demalatyn kóptegen kól men ózen bar. Bul úlken problema. Ótken jyly biz Qoıandy kóline baryp, ony tazartýǵa tyrystyq, alaıda bir aptadan baıaǵy qalpyna qaıta keldi. Jańa Kodekste biz qoqys tastaǵandarǵa salynatyn aıyppul mólsherin kóbeıtýdi kózdeımiz. Búgin biz elordanyń aınalasyndaǵy qoqystarǵa bardyq. Mysaly, polıtsııa bizdi alkogol ishpeýge, qoǵamdyq oryndarda temeki shekpeýge májbúrleıdi. Bul mehanızmder jumys isteıdi, sondyqtan biz de ekologııaǵa qatysty osyndaı sharalardy qabyldaı beretin bolamyz», - dedi komıtet tóraǵasy.
Onyń aıtýynsha, Kóbeıtuz kóli de basqa kólder sııaqty kúzetiletin jerge jatpaıdy. Sheshimderdiń biri - osy kólde demalysty uıymdastyrýǵa jaýapty jeke kásiporyndy anyqtaý. Zýlfýhar Joldasov bul durys sheshim ekenin, durys demalýdy qadaǵalaıtyn adam bolǵany jaqsy ekenin aıtty.
«Biz eriktilerdi tartamyz. Qazir biz kópshilikti halyqtyń ózimen jumys jasaýǵa, ne múmkin, ne múmkin emes ekenin túsindirýge tartamyz. Juma kúni QR Ekologııa, geologııa jáne tabıǵı resýrstar mınıstri senim telefony jumys isteıtindigin málimdedi. Ol vıtse-mınıstrge bekitildi. Turǵyndar kez kelgen ekologııalyq buzýshylyqtardy tirkep, bizge jibere alady. Jumadan dúısenbige deıin 250 habarlama aldyq», - deıdi ol.
Eske salsaq, buǵan deıin koronavırýsty emdeıdi degen jeleýmen Kóbeıtuz kóli tuzynyń kelisi áleýmettik jelide 5 myń teńgeden satylyp jatqany týraly habarlaǵan bolatynbyz.
