Kobanı úshin aıqasta qaza tapqandar sany 553 adamǵa jetti
ASTANA. QazAqparat - Sırııa men Túrkııa shekarasy aýmaǵynda ornalasqan Kobanı qalasyndaǵy qaqtyǵystar kezinde qaza tapqandar sany 553 adamǵa jetti. Olardyń 298-i «Islam memleketi» lańkestik uıymynyń sodyrlary, dep jazady Habar.kz.
Aqparat kózderiniń habarlaýynsha, radıkaldar shahardyń jartysyn basyp alǵan. Eki kún buryn olar Kobanıdiń basty ákimshilik ortalyǵyn aldy. Eger sodyrlar bul qalany tolyq jaýlap alatyn bolsa, Aleppo jáne Rakka provıntsııalaryndaǵy kúshterin biriktirip, eki el shekarasyndaǵy aýqymdy jerdi baqylaýǵa almaq.
