Kobahıdze: Grýzııa Armenııa jáne Ázerbaıjanmen shekarany dostyq jaǵdaıda belgileıdi
ASTANA. KAZINFORM — Grýzııa Armenııa jáne Ázerbaıjanmen memlekettik shekarany delımıtatsııalaý men demarkatsııalaý jumystaryn dostyq jaǵdaıda júrgizedi. Bul týraly Grýzııa premer-mınıstri Iraklıı Kobahıdze málimdedi, dep jazady Armenpress.
Kobahıdze bul týraly sońǵy ýaqytta Grýzııa men Ázerbaıjan arasynda shıelenis týyndaǵan Davıd-Garedjı monastyrine qatysty máseleni sóz etken kezde aıtty, dep habarlaıdy Armenpress Imedinews-ke silteme jasap.
— Garedjı máselesine kelsek, biz shekarany delımıtatsııalaý jáne demarkatsııalaý boıynsha dostyq jaǵdaıda belsendi jumys istep jatyrmyz. Bul másele bizge mura bolyp qaldy. Aldyńǵy úkimettiń tusynda jaǵdaı kúrdelene tústi, óıtkeni olar tıisti kartalardy basshylyqqa almaǵan. Onyń nemen aıaqtalǵanyn ózderińiz de bilesizder. Biz dostyq jaǵdaıda jumys istep jatyrmyz. Ázerbaıjanmen de, Armenııamen de dostyq qarym-qatynasymyz bar. Sondyqtan eki memleketpen de shekarany delımıtatsııalaý jáne demarkatsııalaý qajet. Bul baǵyttaǵy jumys aldaǵy ýaqytta da tolyqtaı dostyq jaǵdaıda jalǵasady. Bul — egemen memlekettiń ustanymy, — dedi Iraklıı Kobahıdze.
Osyǵan deıin Grýzııada ruqsatsyz jumys istegender 5 jylǵa deıin elden shyǵarylýy múmkin ekenin jazǵanbyz.
