KO shekarasyndaǵy veterınarııalyq-sanıtarııalyq baqylaý fýnktsııalaryn keden organdaryna berý týraly zań jobasy qaraldy

ASTANA. QazAqparat - Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine Keden odaǵynyń kedendik shekarasy arqyly avtomobıl ótkizý pýnktterinde veterınarııalyq-sanıtarııalyq baqylaý jáne ósimdikter karantıni boıynsha baqylaý fýnktsııalaryn keden organdaryna berý máseleleri boıynsha ózgerister men tolyqtyrýlar engizý týraly» zań jobasy birinshi oqylymda qaraldy.

Zań jobasy «Ákimshilik quqyq buzýshylyq týraly» jáne «Qazaqstan Respýblıkasyndaǵy keden isi týraly» Qazaqstan Respýblıkasynyń Kodeksterine, «Qazaqstan Respýblıkasyndaǵy kólik týraly», «Ósimdikter karantıni týraly», «Veterınarııa týraly» jáne «Qazaqstan Respýblıkasynyń Memlekettik shekarasy týraly» Qazaqstan Respýblıkasynyń zańdaryna ózgerister men tolyqtyrýlar engizýdi kózdeıdi.

Zań jobasynyń tujyrymdamasyna sáıkes, Keden odaǵynyń kedendik shekarasy arqyly avtomobıl ótkizý pýnktterinde veterınarııalyq-sanıtarııalyq baqylaý jáne ósimdikter karantıni boıynsha baqylaý fýnktsııalaryn keden organdaryna berý bıznesti damytý úshin ákimshilik rásimderdi eleýli túrde qysqartady jáne avtomobıl ótetin pýnktterdiń tranzıttik ótkizý múmkindikterin arttyrýǵa ári jemqorlyqqa jol beretin múmkindikterdi boldyrmaýǵa yqpal etedi.

Shekara mańyndaǵy ótkizý pýnktterinde kólik-logıstıka ortalyqtaryn qurý respýblıkanyń kóliktik tartymdylyǵyn arttyrýǵa, kedendik rásimderdi jańǵyrtýdy jedeldetý men jeńildetýge, sondaı-aq bıznestiń «jalǵyz tereze» qaǵıdasy boıynsha keshendi qyzmet kórsetýdiń barlyq túrin alýǵa jaǵdaı jasaıdy. Zań jobasy Palatanyń qaraýyna jiberildi.