KO men BEK múshe elderde 2014 jyldyń І toqsanynda ortasha jalaqy mólsheri artty

ASTANA. QazAqparat - 2014 jyldyń І toqsanynda KO men BEK múshe memleketterdiń barlyǵynda nomınaldy jáne naqty jalaqy kólemi artty, dep habarlanǵan Eýrazııalyq ekonomıkalyq komıssııa saıtynda.

Atap aıtqanda, 2014 jyldyń qańtar-naýryz aılarynda nomınaldy ortasha jalaqy mólsheri 2013 jyldaǵy osy kezeńdegi kórsetkishpen salystyrǵanda Qazaqstanda - 7,5 paıyzǵa, Reseıde - 10,5 paıyzǵa, Belarýs elinde - 21,2 paıyzǵa kóbeıgen.

Taýarlar men kórsetiletin qyzmetterge baǵanyń ósýin eskerýmen naqty jalaqy kórsetkishiniń ósý qarqyny osy kezeńde Qazaqstanda - 101,9 paıyzdy, Reseıde - 104,2 paıyzdy, al Belarýs elinde 104,9 paıyzdy qurap otyr.

Sondaı-aq ortasha aılyq jalaqyny dollar baǵamy boıynsha eseptegende 2014 jyldyń qańtar-naýryz aılarynda ol Qazaqstanda - 639 dollardy, Belarýste - 566 dollardy, Reseıde - 859 dollardy qurap otyr.