KO-ǵa kirgennen keıin azyq-túlik taýarlary naryǵynda básekelestiktiń kúsheıgeni baıqalýda - A. Mamytbekov
«Qazaqstannyń Kedendik odaqqa kirgennen keıin azyq-túlik taýarlary naryǵynda básekelestiktiń kúsheıgeni baıqalýda. Bul turǵyda KO-ǵa qatysýshy elderdiń arasynda shıkizat pen taýarlardyń aınalymy jeńildegenin eskergen jón»,-dedi mınıstr.
Onyń sózine qaraǵanda, Qazaqstanǵa kirer aldynda atalǵan áriptes elderdiń aýyl sharýashylyǵynda óńdelgen taýarlary birqatar basymdyqtarǵa ıe bolyp otyr. Máselen, elimizdegi negizgi astyqty oblystarda jaýyn-shashynnyń ortasha jyldyq normasy 300 mıllımetr shamasynda. Al, KO-nyń ózge elderinde bul kórsetkish 2-3 ese joǵary. Topyraqtyń qunarlylyǵy jaǵynan da atalǵan elderdiń kórsetkishter aıtarlyqtaı joǵary. Osy oraıda Belarýs elinde súrlemge baǵyttalǵan júgeriniń shyǵymdylyǵy gektarynan 250 tsentnerge teń, al Qazaqstanda ortasha alǵanda ár gektarynan 112 tsentnerden aınalady. Bul turǵyda ósimdik sharýashylyǵyndaǵy shıkizat ónimderi men jem-shóptiń tómen baǵasy et pen sút ónimderiniń jáne basqa da mal sharýashylyǵy ónimderiniń ózindik qunyn azaıtýǵa múmkindik beredi.
Mysaly, Belorýssııada sút zaýyttary keńsharlardan árbir kelisin ortasha eseppen 57 teńgeden satyp alady. Et kombınattary iri qara mal etiniń ár kelisi úshin 804 teńge tóleıdi. Sonymen qatar mundaı kórsetkishter Reseıde de baıqalýda.
«Al, Qazaqstanda shıki sútti satyp alý baǵasy 90 teńgege teń. Sonymen qatar iri qara mal etin satyp alýǵa ár kelisi úshin orta eseppen 960 teńge tólenedi»,-dedi mınıstr.
