KO aıasynda sanıtarlyq-epıdemıologııalyq qadaǵalaýǵa jatatyn taýarlardy memlekettik tirkeýdiń onlaın baǵdarlamasy iske qosyldy
ASTANA. 19 qazan. QazAqparat - Keden odaǵy aıasynda sanıtarlyq-epıdemıologııalyq qadaǵalaýǵa jatatyn taýarlardy memlekettik tirkeýdiń onlaın baǵdarlamasy iske qosyldy, dep habarlady QR Densaýlyq saqtaý mınıstrliginiń baspasóz qyzmetinen.
«QR Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıteti memlekettik-jekemenshik seriktestik aıasynda «Atameken» Odaǵy» palatasy jáne Qazaq kedendik brokerler qaýymdastyǵymen birlesip, búgin Almatyda «Keden odaǵynyń kedendik shekarasy men keden aýmaǵynda sanıtarlyq-epıdemıologııalyq qadaǵalaýǵa (baqylaýǵa) jatatyn taýarlardyń biryńǵaı tizbesine» engiziletin taýarlardy memlekettik tirkeýdiń onlaın baǵdarlamasynyń ashylý saltanatyn ótkizdi», - delingen baspasóz habarlamasynda.
Onlaın baǵdarlamasyn engizý kásipkerlikti damytý úshin ákimshilik kedergilerdi alyp tastaýǵa, jemqorlyqpen jasalatyn quqyq buzýshylyqtyń aldyn alýǵa jáne Internet resýrstardy paıdalaný arqyly onlaın rejiminde ruqsat berý qujattaryn alý múmkindigine baǵyttalǵan.
Baǵdarlamany testilep, synaqtan ótkizý 2011 jyldyń qarasha aıyna josparlanyp otyr.
