KO aıasynda munaıdy munaı ónimderi túrinde zańsyz alyp ótý jolymen tólemderden jaltarý qylmystyq syzbasy anyqtaldy

Bul týraly búgin QR Ekonomıkalyq jáne sybaılas jemqorlyqpen kúres agenttigi Ekonomıkalyq jáne qarjylyq qylmystardy tergeý departamentiniń bastyǵy Janat Elimanov málim etti.

Onyń atap ótýinshe, ótken jyly Keden odaǵy aıasynda munaıdy munaı ónimderi túrinde zańsyz alyp ótý joly arqyly mindetti tólemderden jaltarý qylmystyq syzbasy anyqtalǵan.

«Atap aıtqanda, reseılik kompanııalarmen Qazaqstanǵa óńdeý úshin degen syltaýmen munaı jetkizilip, odan ary óńdeýsiz munaı ónimi túrinde eksportqa jóneltiledi», - dedi J.Elimanov jemqorlyq pen kóleńkeli ekonomıkaǵa qarsy turý jónindegi qoǵamdyq keńes otyrysy barysynda.

Departament basshysynyń atap ótýinshe, jyl saıyn 300 myń tonnadan astam munaı ónimderiniń eksportqa shyǵarylatynyn eskersek, osy syzbany paıdalaýdyń saldarynan memleketke mıllıardtaǵan shyǵyn kelýde.