Knesset depýtattary birqatar ıspan jerin taný týraly jobany talqylaýǵa shyǵardy

ASTANA. KAZINFORM – Izraıldiń Knesset depýtattary birqatar ıspan jeriniń táýelsizdigin moıyndaý týraly jobany talqylaýǵa shyǵardy. Bul týraly 20 minutos habarlaıdy.

Knesset depýtaty Sharren Haskel Izraıldiń Premer-mınıstri Benıamın Netanıahýǵa hat joldap, Ispanııanyń Palestına memleketin moıyndaýǵa shaqyrdy. Onyń ishinde Katalonııa, Bask eli, Galısııa, Andalýsııa, Aragon, Balear jáne Kanar araly sekildi birneshe ıspan jeri bar.

«Men sizden Úkimettiń kelesi otyrysynda Knessettiń maquldaýyna Katalonııa, Bask eli, Galısııa, Andalýsııa, Valensııa, Aragon, Kanar jáne Balear araldarynyń táýelsizdigin resmı moıyndaýdy suraımyn. Baı mádenı murasy, erekshe tili jáne tereń tarıhy bar bul aımaqtar táýelsizdikke degen aıqyn ári kompromıssiz umtylysyn bildirdi. Kóptegen jyl boıy olar ózin basqarýǵa, daralyǵyn tanytyp, taǵdyryn anyqtaýǵa tyrysty. Bostandyq pen demokratııa úshin biz olardyń ózin ózi anyqtaýdaǵy zańdy quqyǵyn moıyndaýymyz kerek», - dep atap ótti Izraıl Parlamentiniń depýtaty Netanıahýǵa jazǵan hatynda.

Aıta keteıik, buǵan deıin Ispanııa, Irlandııa jáne Norvegııanyń Palestınanyń memlekettiligin moıyndaǵany belgili boldy.