Memleket basshysynyń saıası reformalaryn iske asyrýǵa atsalysýdy jalǵastyramyn — Máýlen Áshimbaev
ASTANA. KAZINFORM – Senattyń sońǵy tóraǵasy Máýlen Áshimbaev Memleket basshysynyń áleýmettik-ekonomıkalyq jáne saıası reformalaryn iske asyrýǵa aldaǵy ýaqytta da belsendi atsalysatynyn málimdedi.
Jýrnalısterdiń «Naqty nemen aınalysýdy josparlap otyrsyz?» degen suraǵyna Máýlen Áshimbaev eldegi mindetterdiń aýqymdy ekenin aıtyp, óziniń qaı baǵytta bolsa da Prezıdent saıasatyn júzege asyrýǵa úles qosatynyn jetkizdi.
— Bul týraly buǵan deıin de birneshe ret aıtqanmyn. Búginde barlyq azamatqa, túrli salalarda eńbek etip júrgen adamdarǵa Prezıdenttiń saıasaty tóńireginde toptasý óte mańyzdy. Elimizde sheshýdi qajet etetin mindetter men máseleler óte kóp. Sondyqtan qaı baǵytta bolsyn, Memleket basshysynyń áleýmettik-ekonomıkalyq jáne saıası reformalarynyń kún tártibin iske asyrýǵa belsendi qatysýdy jalǵastyramyn dep oılaımyn, — dedi ol.
Máýlen Áshimbaev Senattaǵy qyzmetiniń aıaqtalýyna qatysty da pikir bildirdi. Onyń aıtýynsha, Senat Memleket basshysynyń reformalaryn zańnamalyq turǵydan qamtamasyz etýge eleýli úles qosty.
— Senatorlar Prezıdent reformalaryn iske asyrý úshin qajetti zańnamalyq bazany qalyptastyrýǵa belsendi qatysty. Biz kóptegen mańyzdy, tujyrymdamalyq turǵydan jańa býyn zańdary men kodeksterdi qabyldadyq. Olar ekonomıkada, áleýmettik salada jáne basqa da baǵyttarda júrgizilip jatqan ózgeristerdi qamtamasyz etýge baǵyttaldy. Shyn máninde, bul zańdar elimizdegi aýqymdy transformatsııalarǵa negiz qalady, — dedi Máýlen Áshimbaev.
Aıta keteıik, Máýlen Áshimbaev Quryltaı saılaýynda daýys berdi.
