«QMG» janarmaı quıý beketterinde benzın baǵasy burynǵy deńgeıge qaıta oralady

ASTANA. QazAqparat - 15 sáýirde «QazMunaıGaz» JQB-larynda AI-92 markaly benzınniń lıtriniń baǵasyn 118 teńgege deıin tómendetý aktsııasy aıaqtalady, dep habarlady «QMG-qaıta óńdeý jáne marketıng» AQ qoǵammen baılanys qyzmeti.

«AI-92 benzınine jeńildik aktsııasy ýaqytsha sıpatta boldy, ol Naýryz merekesine oraı belgilendi. Biz ár klıentti qurmetteımiz jáne sondyqtan da aldyn ala tutynýshylarǵa naryqtyq básekelestik jaǵdaıynda baǵany kóteretinimiz týraly habarlaımyz. Klıentter bul sheshimge túsinikpen qarap, «QazMunaıGaz ónimderi» JQB jelisiniń tutynýshysy bolyp qala beredi dep úmittenemiz», - dep málimdedi «QazMunaıGaz Ónimderi» JShS bas dırektorynyń marketıng  boıynsha orynbasary Oleg Ivanov.

Eske salsaq, 14 naýryzdan bastap «QazMunaıGaz» janarmaı quıý beketterinde AI-92 benzıniniń baǵasy 7 teńgege tómendedi. Bir aı boıy kompanııa klıentteri benzın lıtrin 118 teńgeden satyp alyp júrdi.