QMG munaı ónimderi janarmaı quıý stansalaryna deıin 5 ret tekseriledi
Kompanııa keńsesinde jınalysty asha otyryp, «QazMunaıGaz Ónimderi» JShS transformatsııa jónindegi Bas dırektordyń birinshi orynbasary Ǵazız Qoshanov bylaı dep atap ótti: «Munaı ónimderiniń sapasy - bul onyń baǵasy sııaqty, sondaı qıyn másele bolyp tabylatyn shyǵar. Biz ashyq kompanııa retinde osyny túsine otyryp, tikeleı ónerkásiptik obektilerimizde bizdiń sapanyń tolassyz baqylaý júıesiniń jumysyn kórsetýge daıynbyz».
Investıtsııalar jáne damý mınıstrligi Tehnıkalyq retteý jáne metrologııa komıtetiniń, Ulttyq ekonomıka mınıstrligi Tutynýshylardyń quqyqtaryn qorǵaý komıtetiniń, «Ádilet» tutynýshylardyń quqyqtaryn qorǵaý qoǵamynyń, iri avtodılerlik jelilerdiń shaqyrylǵan ókilderi «QazMunaıGaz Ónimderi» JShS munaı bazasyn aralady, kompanııanyń úsh synaq zerthanalarynyń biriniń jumysymen, sondaı-aq «QazMunaıGaz» janarmaı quıý beketterine otyndy qabyldaý rásimderimen tanysty.
Munaı bazasynyń menedjeri Súleımen Súıinshálınov keńes qatysýshylary úshin qysqa ekskýrsııany ótkize otyryp, bylaı dedi: bazaǵa kelip túsetin munaı ónimderi eń az degende 4 tekserýden ótedi - temirjol tsısternalary kelgen kezde tórt kórsetkish boıynsha ekspress-synaqtar ótkiziledi, eki saǵat turǵannan keıin 19 ólshemshart boıynsha tolyq taldaý júrgiziledi. Rezervýarlarda saqtaý kezinde aıyna aı saıyn tekserýden ótedi jáne janarmaı quıý beketterine jiberý aldynda otyn sapasy taǵy bir ret tekseriledi. Onyń aıtýynsha avtotsısterna synaq zerthanasynyń ruqsatynsyz ornynan qozǵalmaıdy.
«Astana qalasynyń synaq zerthanasy» fılıalynyń dırektory Aqylbek Ahmetjanov Astanadaǵy zerthana - seriktestiktiń akkredıtatsııadan ótken úsh zerthananyń biri dep atap ótti. «Bizdiń zerthanalarymyzdyń synaq hattamalary Keden odaǵynyń aýmaǵynda ózekti bolyp tabylady. Zerthanalar dızel otyny, sondaı-aq benzın toby boıynsha da memlekettik standarttar men normatıvterde kózdelgen barlyq synaqtar toptamasyn ótkizedi», dedi ol.
Zerthanalardyń qural-jabdyǵy - qazirgi zaman talaptaryna saı. Aıtalyq, Astana, Almaty jáne Atyraýda eń naqty oktan sanyn aıqyndaıtyn ÝIT-85 qondyrǵysy bar. Ahmetjanovtyń aıtýy boıynsha, Qazaqstanda memlekettik organdar osy qondyrǵynyń kórsetkishterin ǵana moıyndaıdy: «Eshbir test-jolaqtar nemese basqa da ekspress-taldaýlar naqty baǵa bermeıdi» - dep atap ótti ol.
№Z-4 JMQS-ta otyn qabyldaýdy kórsete otyryp, Astana jáne Pavlodar oblysy boıynsha fılıaldyń bas menedjeri Janat Shahmanov stantsııalarda memlekettik standarttar men reglamentterde kózdelgen barlyq rásimderdi basshy - JMQS masteri ótkizetinin aıtty. Sonyń ishinde árbir avtotsısternadan arbıtrajdyq synamany irikteýden ótkizedi. Sondaı-aq, master alynǵan synamalardyń temperatýrasy men tyǵyzdylyǵyn, mehanıkalyq qospalar men sýdyń bolýyn tekseredi.
Sapanyń tolassyz baqylaý júıesiniń jumysy týraly aıta otyryp, Ǵazız Qoshanov bylaı málimdedi: «Eger munaı ónimderine shaǵymy bolsa, kez kelgen klıenttiń Call-ortalyqqa habarlasyp, otyn nemese qyzmet kórsetý sapasynyń unamaıtyny týraly aıtýǵa múmkindigi bar. Bizdiń qyzmetkerler der kezinde shara qabyldaıdy. Eger másele otyn sapasyna baılanysty bolsa, narazalyǵy bolǵan klıentpen birge synama alynyp, bizdiń zerthanadan tolyq taldaýdan ótedi nemese klıent úlgini basqa zerthanaǵa jibere alady, keıin qorytyndysy boıynsha sheshim qabyldaımyz».
Onyń aıtýy boıynsha, shaǵymdar sany azaıyp keledi: «Jylyna otyn sapasyna 40-45 shaǵym túsedi - bul biz satatyn kólemniń 0,1-0,2%. Aǵymdaǵy sátte bizde sapasyz ónim satý jaǵdaıdary bolǵan emes», - dedi ol.
« QazMunaıGaz Ónimderi» Qazaqstannyń aýmaǵynda - 321 janarmaı quıý beketterin qamtıtyn tarmaqty jeliniń operatory .