QMG BÓ: «Ózenmunaıgaz» óndiristik fılıalyndaǵy zańsyz ereýilge qatysýshylardyń sany 850 adamnan aspaıdy
ASTANA. 20 shilde. QazAqparat - «QazMunaıGaz» Barlaý Óndirý» AQ (QMG BÓ) «Ózenmunaıgaz» óndiristik fılıalyndaǵy zańsyz ereýilge qatysýshylardyń sany 850 adamnan aspaıdy dep málimdeme jasady.
«Eýroparlament depýtaty Pol Merfıdiń buqaralyq aqparat quraldarynda jarııalanǵan málimdemelerine baılanysty «QazMunaıGaz» Barlaý Óndirý» AQ («QMG BÓ», «Kompanııa») Jańaózen qalasynda 4 myń munaıshy ereýildep jatyr degen aqparattyń shyndyqqa sáıkes kelmeıtini týraly habarlaýdy jón sanaıdy», - delingen habarlamada.
QMG BÓ naqtylaǵandaı, kompanııa kún saıyn jumysqa shyqpaǵan jumyskerlerdiń esebin júrgizedi jáne olardyń sany zańsyz narazylyq aktsııasy bastalǵaly beri qashan da aıtarlyqtaı az bolǵan.
«Sonymen, 2011 jyldyń 18 shildesi kúni 850 adam jumysqa shyqpady, al fılıaldyń jalpy shtattyq sany 9 180 adamdy quraıdy», - dep habarlady kompanııa.
