QMG BÓ-niń Dırektorlar keńesi mamyr aıynda aktsıonerlerdiń birjyldyq jalpy jınalysyn shaqyrýǵa sheshim qabyldady
ASTANA. 2 naýryz. QazAqparat - «QazMunaıGaz» Barlaý Óndirý» AQ-nyń Dırektorlar keńesi 2011 jyldyń 5 mamyrynda aktsıonerlerdiń birjyldyq jalpy jınalysyn shaqyrý sheshimin qabyldady.
Bul týraly kompanııanyń baspasóz qyzmetinen habarlady.
«Kún tárbitine kelesi negizgi máseleler engizildi: qarjy esebi men 2010 jyldyń esebin bekitý; 2010 jylǵy kompanııanyń taza tabysyn bólý tártibin jáne kompanııanyń bir qarapaıym jáne artyqshylyqty aktsııasyna eseptegende dıvıdendtiń kólemin anyqtaý; QMG BÓ Dırektorlar keńesiniń 2010 jylǵy jumysyna baǵa berý», - delingen taratylǵan habarlamada.
Dırektorlar keńesi aktsıonerlerler keńesine 2010 jyldyń qorytyndysy boıynsha beriletin QMG BÓ-niń bir qarapaıym jáne bir artyqshylyqty aktsııasynyń dıvıdend kólemin usyndy. Aktsıonerler keńesi oń sheshim qabyldaǵan jaǵdaıda, bir qarapaıym jáne bir artyqshylyqty aktsııanyń dıvıdenti 800 teńgeni (QR zańnamasyna sáıkes ustalatyn salyqtardy qosa eseptegende) quraıtyn bolady. 2010 jyl ishindegi dıvıdendtiń jalpy somasy 57 mlrd. teńgeni (389 mln. AQSh dollary shamasynda) quramaq.
Aktsııa úshin beriletin dıvıdend kólemi onyń aldyńǵy jylǵy kórsetkishten 13,6 paıyzǵa kóp jáne 2006 jylǵy IPO kezeńinen eń iri bolyp tabylady. Onymen bir mezgilde Dırektorlar keńesi, bolashaqta damý jobalaryn qarjylandyrý úshin qarajattardyń basym bóligin kompanııada qaldyrý qajet dep esepteıdi.
