QMG BÓ KASE-da artyqshylyqty aktsııalardy satyp alý jónindegi mamandandyrylǵan saýdalardyń ótetin kúnin jarııalaıdy
ASTANA. 20 shilde. QazAqparat - «QazMunaıGaz» Barlaý Óndirý» AQ aǵymdaǵy jyldyń 1 tamyzy men 31 tamyzy aralyǵynda KASE saýda júıesinde artyqshylyqty aktsııalardy satyp alý jónindegi kezekti mamandandyrylǵan saýdalardyń ótkiziletindigin habarlaıdy.
Artyqshylyqty aktsııalardy satyp alý baǵdarlamasy boıynsha, kompanııa osy ýaqytqa deıin 34,6 mlrd. teńge somaǵa 1,8 mıllıonnan astam artyqshylyqty aktsııa satyp aldy.
Kompanııa árbir mamandandyrylǵan saýdany júrgizerdiń aldynda jáne ótkizgennen keıin habarlandyrý jarııalaıtyn bolady. Habarlandyrýda mundaı saýdalardy ótkizý sharttary men qorytyndylary kórsetiledi.
Satyp alý baǵdarlamasy men lıstıng artyqshylyqty aktsııalardyń ıelerine qundy qaǵazdardyń ashyq ári neǵurlym ótimdi naryqta saýda júrgizýge múmkindik beredi. Qazirgi tańda QMG BÓ artyqshylyqty aktsııalarynyń basym kópshiligin, Kompanııanyń burynǵy jáne qazirgi qyzmetkerleri men olardyń otbasy múshelerin qosqanda, 20 myńnan astam adam ıelenip otyr.
