QMG BÓ KASE-da artyqshylyqty aktsııalardy satyp alý jónindegi mamandandyrylǵan saýdalardyń qorytyndysyn jarııalaıdy
ASTANA. 21 jeltoqsan. QazAqparat - «QazMunaıGaz» Barlaý Óndirý» AQ 2011 jyldyń 21 qarashasy men 20 jeltoqsany aralyǵynda KASE saýda júıesinde artyqshylyqty aktsııalardy satyp alý jónindegi qorytyndy mamandandyrylǵan saýdalardyń ótkizilgenin habarlaıdy.
Mamandandyrylǵan saýdalardyń qorytyndysy boıynsha Kompanııa 160 473 artyqshylyqty aktsııany danasyna 13 056,57 teńgeden satý ótinimderin qanaǵattandyrdy. Satyp alý jıyntyq somasy 2 095 226 957,61 teńgeni qurady. Eseptesý 2011 jyldyń 23 jeltoqsany kúni júrgiziledi. Artyqshylyqty aktsııalardy satyp alý baǵdarlamasyn júzege asyrýdy bastaǵaly beri Kompanııa 37 135 715 544,31 teńge somaǵa 2 073 276 artyqshylyqty aktsııa satyp aldy.
Buǵan deıin habarlanǵanyndaı, Kompanııa bırjanyń qoldanystaǵy erejelerine saı, otyz kúndik mamandandyrylǵan saýdalar serııasyn uıymdastyrý arqyly KASE saýda júıesinde óziniń artyqshylyqty aktsııalaryn satyp alý baǵdarlamasyn bekitti. Ótkizilgen mamandandyrylǵan saýda atalǵan baǵdarlama aıasyndaǵy qorytyndy saýda bolyp tabylady. Qazirgi tańda QMG BÓ artyqshylyqty aktsııalarynyń basym kópshiligin, Kompanııanyń burynǵy jáne qazirgi qyzmetkerleri men olardyń otbasy múshelerin qosqanda, shamamen 20 myń adam ıelenip otyr.
