QMG BÓ Dırektorlar keńesi aktsıonerlerdiń kezekten tys jalpy jınalysynyń ótetin kúnin jarııalady

Bul týraly atalǵan kompanııanyń baspasóz qyzmetinen habarlady.

««QazMunaıGaz» Barlaý óndirý» AQ Dırektorlar keńesi 2012 jyldyń 27 aqpany kúni Astana qalasynda aktsıonerlerdiń kezekten tys jalpy jınalysyn shaqyrý týraly sheshim qabyldady. Kún tártibine kelesi máseleler engizildi: Qoǵamnyń dırektorlar keńesi múshesiniń ókilettigin merziminen buryn toqtatý, Qoǵamnyń dırektorlar keńesiniń jańa múshesin saılaý», - delingen habarlamada.

QazAqparat anyqtamasy: QMG BÓ munaı óndirý kólemi jaǵynan Qazaqstanda kóshbasshylardyń úshtigine kiredi. Kompanııanyń óndirý kólemi «Qazgermunaı» BK JShS men CCEL («Qarajanbasmunaı») kompanııalaryndaǵy úlesterdi eseptegende, 2011 jyly 12,4 mln. tonnany (táýligine 250 myń barrel) qurady. QMG BÓ-niń munaıdyń dáleldengen jáne boljamdy qorlarynyń kólemi 2010 jyldyń sońyndaǵy jaǵdaı boıynsha 232 mln. tonnany (1,7 mlrd. barreldi), al enshiles kompanııalardaǵy úlesti eseptegende 2,2 mlrd. barrelden astamdy quraıdy. Kompanııanyń jaı jáne artyqshylyqty aktsııalary Qazaqstan Qor Bırjasynda, al ǵalamdyq depozıtarlyq qolhattary - Londonnyń Qor Bırjasynda lıstıngten ótti. 2006 jyldyń qyrkúıegindegi ІRO kezinde Kompanııa 2 mıllıardtan astam AQSh dollaryn tartty. 2011 jyldyń jeltoqsanynda halyqaralyq Standard & Poor's agenttigi Kompanııanyń nesıelik reıtıngin «VVB-» deńgeıinde, al 2011 jyldyń qyrkúıeginde GAMMA korporatıvtik basqarý reıtıngin «GAMMA-6» deńgeıinde rastady.