QMG BÓ 2017 jyldyń bıýdjetin munaı baǵasynyń 45 dollar deńgeıimen bekitti
2017 jyldyń bıýdjeti Brent surypty munaı baǵasy barreline 45 AQSh dollary baǵa boljamy jáne AQSh dollary úshin 360 teńge baǵamy boıynsha jasaqtalǵan.
«2017-2021 jyldary Kompanııanyń erkin aqsha aǵymy munaıdyń derbes protsessıngi kestesine ótýi jáne ishki naryqqa jetkizilimderdi azaıtý, sondaı-aq kúrdeli salymdardy arttyrýmen ishinara ótelgen Brent baǵasy jáne AQSh dollaryna teńgeniń baǵamy jónindegi boljamdardyń ózgerýi nátıjesinde 2016-2020 jyldarǵa arnalǵan bıznes-josparǵa qaraǵanda oń bolady»,-dep atap ótilgen QMG BÓ málimetinde.
Atap aıtqanda, munaı ónimderin satýdan túsetin taza túsim (protsessıng jáne satýmen baılanysty barlyq shyǵyndardy shegergende) 2017 jyly AMÓZ-ge munaı tonnasy úshin 43 800 teńge jáne PMZH-ǵa munaı tonnasy úshin 43 700 teńge mólsherinde kútiledi. Satýdan túsetin taza túsim munaı ónimderi (memleket retteıtin AI-80 benzınnen basqa) naryǵy konıýnktýrasyna jáne MÓZ-degi munaı ónimderin shyǵarý qorjynyna baılanysty bolady.
«AMÓZ ben PMHZ-daǵy jańǵyrtý baǵdarlamasy aıaqtalǵannan keıin 2017 jyldyń ishinde aqshyl tústi munaı ónimderi óndirisiniń úlesi artady dep kútiledi. Bul rette, munaıdy óńdeý tarıfteri jańǵyrtý jobasy aıaqtalǵannan keıin shamamen AMÓZ-de 25 paıyzǵa jáne PMHZ-da 10 paıyzǵa artýy múmkin. Anyqtama úshin, 2016 jyly munaı óńdeý tarıfi AMÓZ-de tonnasyna 20 501 teńgeni jáne PMHZ-da tonnasyna 14 895 teńgeni quraıdy»,-dep naqtylady kompanııa.
2017 jyly «Ózenmunaıgaz» AQ jáne «Embimunaıgaz» AQ 2016 jyldyń sáýir aıynan beri qoldanystaǵy derbes munaı protsessıngi shemasyna sáıkes, keıinnen munaı ónimderin qaıta óńdeý jáne satý úshin tikeleı Atyraý munaı óńdeý zaýyty men Pavlodar munaı-hımııa zaýytyna jalpy satý kóleminiń shamamen 33 %-yn nemese 2,9 mln. tonna (táýligine 57 myń barrel) munaı jetkizedi dep josparlanýda. Іshki naryqqa jóneltiletin 2,9 mln tonnanyń 1,9 mln tonnasy (táýligine 38 myń barrel) AMÓZ-ge, 1,0 mln tonnasy (táýligine 19 myń barrel) PMHZ-ǵa jetkiziledi.
Belgil bolǵandaı, 2017 jylǵa josparlanǵan óndirý kólemi «Ózenmunaıgaz» AQ-da (ÓMG) 5,8 mln. tonna (táýligine 117 myń barrel), al «Embimunaıgaz» AQ-da (EMG) 2,8 mln. tonnany (táýligine 57 myń barrel) quraıdy. ÓMG jáne EMG boıynsha 2017 jylǵa josparlanǵan jalpy óndirý kólemi 8,7 mln. tonnany (táýligine 175 myń barrel) quraıdy, bul uńǵymalardyń aýyspaly qorymen jumys jasaý jónindegi keshendi is-sharalar men qosymsha geologııalyq-tehnıkalyq is-sharalardyń esebinen 2016 jyly kútilip otyrǵan óndirý kóleminen 2 paıyzǵa artyq.
