QMG BÓ 2010 jylǵy aktsııaǵa belgilengen dıvıdend mólsherin 13,6 %-dan asyryp jiberdi
ASTANA. 5 mamyr. QazAqparat - «QazMunaıGaz» Barlaý Óndirý» AQ («QMG BÓ», «Kompanııa») aktsıonerlerdiń jyldyq jalpy jınalysyn ótkizdi,
dep habarlady kompanııanyń baspasóz qyzmeti.
QMG BÓ aktsıonerleri Kompanııanyń 2010 jylǵa arnalǵan toptastyrylǵan qarjylyq esebi men jyldyq esebin bekitti.
Odan bólek, ótken jyldyń qorytyndysy boıynsha taza kiristi bólý tártibi men qarapaıym jáne artyqshylyqty aktsııalarǵa eseptegendegi dıvıdend mólsheri bekitildi. Aktsıonerlerdiń sheshimi boıynsha, 2010 jyldaǵy dıvıdend mólsheri bir aktsııaǵa (qarapaıym jáne artyqshylyqty) shaqqanda 800 teńgeni (QR zańnamalaryna sáıkes ustalatyn salyqtardy qosqanda) quraıdy. 2010 jyldaǵy dıvıdendtiń jalpy somasy shamamen 57 mlrd. teńgeni (389 mln. AQSh dollaryna jýyq) quraıdy.
Belgilengen dıvıdend mólsheri ótken jylǵy kórsetkishpen salystyrǵanda 13,6 %-ǵa artyq jáne 2006 jyldaǵy ІRO kezinen beri eń iri bolyp tabylady. Kompanııa aktsıonerlerine 2010 jyldyń qorytyndysy boıynsha dıvıdendterdi tóleý 2011 jyldyń 16 mamyry kúngi saǵat 0:00 jaǵdaı boıynsha júrgiziledi jáne 2011 jyldyń 20 maýsymynda bastalady.
Aktsıonerlerdiń jalpy jınalysynda Dırektorlar keńesiniń múshesi Kenjebek Ibrashevtiń ókilettigi merziminen buryn toqtatyldy. Dırektorlar keńesiniń jańa múshesi bolyp jalpy Kompanııanyń dırektorlar keńesiniń ókilettik merzimine Alık Aıdarbaev saılandy.
QMG BÓ munaı óndirý kólemi jaǵynan Qazaqstanda kóshbasshylardyń úshtigine kiredi. Kompanııanyń óndirý kólemi «Qazgermunaı» BK JShS men CCEL («Qarajanbasmunaı») «PetroQazaqstan Ink.» jáne «NBK» JShS kompanııalaryndaǵy úlesterdi eseptegende, 2010 jyly 13,3 mln. tonnany (táýligine 270 myń barrel) qurady.
