QMG basshysy «BP Sangachal» jáne «Azertrans» termınaldarynyń jumysymen tanysty
ASTANA. KAZINFORM – 9 naýryzda «QazMunaıGaz» UK AQ (QMG) Basqarma tóraǵasy Maǵzum Myrzaǵalıev Baký qalasyna sapary barysynda Qazaqstan munaıyn tasymaldaýǵa jumyldyrylǵan «BP Sangachal» jáne «Azertrans» termınaldarynyń jumysymen tanysty.
«Azertrans» termınalyna barǵan M.Myrzaǵalıev «Teńiz» ken orny munaıyn Baký-Djeıhan qubyryna jetkizý úshin Bakýge kelgen «Qazaqteńizkólikfloty» JShS-ine tıesili «Astana» tankerinde bolyp, keme ekıpajy – jas qazaqstandyqtarmen kezdesti.
Ekıpaj músheleri tehnologııalyq protsesterdi uıymdastyrý kezinde munaıdyń úzdiksiz jóneltilýin qamtamasyz etý úshin eńbek jáne ekologııalyq qaýipsizdik máselelerine erekshe nazar aýdarylatynyn atap ótti. QMG basshysy teńizshilerdiń eńbek jaǵdaıymen tanysyp, jumystaryna sáttilik tiledi.
«Astana» tankeri Aqtaý-Baký baǵytynda júredi jáne «QazMunaıGaz» jáne SOCAR arasynda 1,5 mln tonna Qazaqstan munaıyn Ázerbaıjan aýmaǵy arqyly tasymaldaýǵa qatysty qol qoıylǵan kelisim aıasynda «Teńiz» ken ornynan shyqqan munaıdy tasymaldaıdy.
