«QMG» 2017 jyldyń 1 toqsanynda 97 mlrd teńge taza túsim almaq

ASTANA. QazAqparat - «QazMunaıGaz» 2017 jyldyń 1 toqsanynda 97 mlrd teńge taza túsim alýdy josparlaýda. Bul jaıynda Ortalyq kommýnıkatsııalar qyzmetindegi brıfıngte «QazMunaıGaz» UK» AQ-nyń vıtse-prezıdenti-qarjy dırektory Dáýren Qarabaev málim etti, dep habarlaıdy QazAqparat.

«Aldyn ala qorytyndyǵa sáıkes 2017 jyldyń 1 toqsanyndaǵy túsim 97 mlrd. teńgeni quraıdy dep kútýdemiz. 2016 jylǵy «QazMunaıGazdyń» taza túsimi 306 mlrd. teńgeni qurap, respýblıkalyq bıýdjetke salyq jáne basqa da mindetti tólemderi shamamen 457 mlrd teńge boldy», - dedi ol.

Vıtse-prezıdenttiń aıtýyna qaraǵanda, kúrdeli salymdar, onyń ishinde Qashaǵan jobasyna ketken qarjy kólemi 624 mlrd teńgeden asyp túsken. Sondaı-aq ol «QazMunaıGaz» kompanııasy 2014 jyldan beri óziniń qaryzyn 2 esege tómendetkendigin basa aıtty.

«Qazirgi ýaqyttaǵy onyń deńgeıi shoǵyrlanǵan esepterge sáıkes 9,8 mlrd. dollardy quraıdy. Tómendetýge bizdiń oblıgatsııalarymyzdy merziminen buryn óteýdiń, sonymen birge Qashaǵandaǵy 50 paıyz úlesti «Samuryq-Qazyna» qory paıdasyna satýdyń arqasynda qol jetkizildi»,-  dedi Dáýren Qarabaev.