QMEBI kitaphanasyna D'Esten esimi beriledi
ALMATY. Qarashanyń 10-y. QazAqparat /Ernar Beken/ - Qazaqstan menedjment, ekonomıka jáne boljaý ınstıtýtynyń kitaphanasyna Frantsııanyń burynǵy prezıdentiniń baýyry,
doktor Olıve Jıskar d'Esten esimi berilmek, dep habarlaıdy QazAqparat.
INSEAD frantsýz mektebiniń negizin qalaýshy jáne bas dırektory, INSEAD qorynyń tóraǵasy d'Esten QMEBI-ǵa qarashanyń 12-15-i aralyǵynda kelmek. Onyń osy sapary kezinde bıznes-bilimdi búkil álem boıynsha damytýǵa qosqan úlesi úshin iskerlik ákimshilik basqarý salasynyń qurmetti doktorlyq dárejesi tabys etiledi.
D'Estenniń osydan 18 jyl buryn Almatyǵa jasaǵan saparynyń nátıjesinde QMEBI halyqaralyq TASIS baǵdarlamasy boıynsha Eýroodaqtan $1,8 mln. kóleminde alǵashqa grantqa qol jetkizgen bolatyn. Sondaı-aq d'Estenniń usynys-keńesteriniń arqasynda Anglııanyń, Kanadanyń jáne AQSh-tyń halyqaralyq uıymdarynan basqa da granttar berile bastady.
Ol Generali, IBM jáne CEDEP kompanııalarynyń dırektorlar keńesinde múshe boldy. Buǵan qosa d'Esten halyqaralyq tehnologııalyq qoǵamdastyqtyń tóraǵasy jáne Philips kompanııasynyń tóraǵa keńesshisi qyzmetterin atqardy.
Olıve Jıskar d'Esten Frantsııanyń 20-shy prezıdenti Valerı Jıskar d'Estenniń inisi.
