Kimder áleýmettik kómekti úıde tegin alýǵa quqyly

PETROPAVL. KAZINFORM — Áleýmettik qyzmetkerler aýrýyna, jaraqatyna, jasyna nemese múgedektigine baılanysty ózderine kútim jasaý, júrip-turý qabiletinen tolyq nemese ishinara joǵaltqan adamdarǵa kómektesedi.

Qazaqstanda úıde arnaıy áleýmettik qyzmetter alatyn azamattardyń sanatyna:

— Zeınetkerlik jasqa tolǵan qart adamdar, sondaı-aq óz betinshe júrip-tura almaıtyn jáne turaqty kútimdi qajet etetin I jáne II toptaǵy múgedektigi bar adamdar jatady. Zań boıynsha olarǵa qamqorlyq jasaýǵa mindetti eńbekke qabiletti kámeletke tolǵan balalary (jubaıy/zaıyby) bolmaǵan kezde qyzmet kórsetiledi.

Eger týystary obektıvti sebeptermen kómek kórsete almasa, máselen:

— I nemese II toptaǵy múgedektigi bar bolsa,

— onkologııalyq nemese psıhıkalyq aýrýlardan zardap shekse,

— bas bostandyǵynan aıyrý oryndarynda bolsa,

— psıhıkalyq densaýlyq ortalyǵynda esepte tursa,

— shetelge turaqty turýǵa ketse,

— basqa eldi mekende tursa (jubaıy/zaıyby úshin jasy da eskeriledi) qoldaý jasalýy múmkin.

Sondaı-aq, psıhonevrologııalyq aýrýlardan zardap shegetin múgedek balalarǵa, tirek-qımyl apparaty buzylǵan múgedektigi bar balalarǵa jáne psıhonevrologııalyq aýrýlary boıynsha múgedektigi bar eresekterge (18 jastan asqan) qyzmet kórsetiledi.

Buǵan deıin Qazaqstanda kim tisin tegin emdete alatyndyǵyn jazdyq.

Sondaı-aq elimizde tegin ota kimderge jasalatyndyǵyn, aqyly joldarynda kimder tegin júre alatyndyǵyn jáne elordada aqyly avtoturaqty kimder tegin paıdalana alatyndyǵyn da bile alasyz.