QMDB janynan halal-standart bólimi ashylady
ASTANA. QazAqparat - Qazaqstan musylmandary dinı basqarmasy janynan halal-standart bólimi ashylady. Bul týraly búgin QMDB tóraǵasy, bas múftı Erjan Qajy Malǵajyuly aıtty.
«Qazaqstan musylmandary dinı basqarmasynda eshqandaı qurylymdyq ózgerister bolmaıdy. Biraq bólimder qosylady. Máselen, halal standart bólimin ashaıyq dep jatyrmyz. Óıtkeni, bul qazirgi tańdaǵy mańyzdy máselelerdiń biri. As - adamnyń arqaýy. Sondyqtan biz Qazaqstandaǵy musylmandardyń azyqtaný máselesi halal bolsa degen nıetpen halal standartyn ashqaly otyrmyz. Jalpy, úlken ózgeris bolmaıdy», - dedi Erjan qajy.
Bas múftıdiń atap ótýinshe, musylman qaýymynyń ulyq merekesi Qurban aıt qarsańynda Qazaqstan musylmandary dinı basqarmasy Qazaqstannyń bas qalasy elordaǵa kóship keldi.
Bıyl, Qudaı qalasa, Qurban aıtty Qazaqstan musylmandary dinı basqarmasy Astana halqymen birge toılaıtyn bolady», - dedi ol.
