QMDB tóraǵasy Tatarstan prezıdentine bas múftıdiń orynbasarynyń qaza bolýyna baılanysty kóńil aıtty

Bul týraly Almaty ortalyq meshitiniń saıtynda habarlandy.

«Qazaqstan musylmandary dinı basqarmasynyń, elimizdegi barlyq dindarlardyń jáne jeke óz atymnan, qurmetti prezıdent sizge  jáne búkil Tatarstan halqyna bireýdiń qatygezdik pıǵylynyń qurbany bolǵan, Tatarstan Respýblıkasy bas múftıiniń orynbasary Valıýlla ıAkýpovtyń mezgilinen buryn jáne qaıǵyly qaza bolýyna baılanysty qaıǵyra kóńil aıtamyn. (...). Valıýlla hazret ıslamǵa adal qyzmet etti, basyna túsken synaqtarǵa shydamdylyqpen tózdi. Ol jańa býynǵa tabandylyq pen batyldyqtyń, sondaı-aq laıyqty ómir súrýdiń úlgisi boldy», - delingen Qazaqstan bas múftıiniń Tatarstan basshysy Rýstam Mınnıhanovqa joldaǵan joldamasynda.

Á.Derbisáli sondaı-aq Qazaqstannyń barlyq musylmandary bas múftı Ildýs hazret Faızovtyń tezirek jazylyp ketýine tilektes ekendigin atap ótti.

Eske salaıyq, belgisizder 19 shilde kúni Qazanda bas múftı Ildýs hazret Faızovtyń mashınasyn jaryp jiberdi. Ol jaraqat alyp, aýrýhanaǵa jetkizildi. Shamamen osy ýaqytta óz úıiniń aldynda onyń orynbasary Valıýlla ıAkýpov atyp óltirildi. Alǵan jaraqattardan ol kóz jumdy. Din qyzmetkerlerine jasalǵan shabýyl lańkestik dep tanyldy.