QMDB: orys tildi nasıhat toby quryldy
ASTANA. QazAqparat - Qazaqstan musylmandary dinı basqarmasy janynan orys tildi ýaǵyz-nasıhat toby quryldy. Naıb múftı Serikbaı qajy Orazdyń tóraǵalyǵymen ótken alqaly májiliste biraýyzdan osyndaı sheshim qabyldandy, dep jazady muftyat.kz.
«Elimizdiń keıbir aımaqtarynda orys tildi jamaǵatymyz ımamdardyń qazaq tilinde aıtqan nasıhattaryn túsinbeı jatatyn jaǵdaılardy baıqaımyz. Soltústik aımaqtarda orys tilindege ýaǵyzdarǵa suranys kóp. Osyny eskere kele, baýyrlarymyzǵa uǵynyqty bolý úshin arnaıy nasıhat tobyn jasaqtaý jaıly uıǵarym jasadyq», - dedi Serikbaı Satybaldyuly.
Nasıhat tobynyń quramyna orys tilin jetik meńgergen, dinı hám dúnıeýı saýaty joǵary, halyqqa danalyqpen kórkem ýaǵyz aıta alatyn dintanýshylar men ımamdar endi. Respýblıka boıynsha eki top (5 adamnan) jasaqtalyp, aımaqtarda ýaǵyz aıtýǵa kirispek.
