QMDB ókildikterine qarasty qasaphanalar bolýy kerek – Bas múftı

NUR-SULTAN. QazAqparat – Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly iri qalalarda qasaphana salý jóninde bastama kóterdi. Bul týraly ol Qurban aıt merekesin qorytyndylaý jıynynda málimdedi, dep habarlaıdy QazAqparat QMDB saıtyna silteme jasap.

«Qurmetti bas ımamdar! Biz osymen toqtap qalmaı, jumystarymyzdy odan ári jetildirý baǵytynda jumystanýymyz kerek. Aldaǵy Qurban aıt merekelerinde mal soıý jaǵynan qıyndyqtar týyndamaýy úshin QMDB ókildikterine qarasty qasaphanalar bolýy kerek degen sheshimge keldim. Ózderińizge jyl sońyna deıin óńirińizden jańadan salynatyn qasaphanaǵa arnalǵan jer máselesin sheshýlerińizdi jáne QMDB «Ýaqyp qory» men «Halal damý» mekemesine elimiz boıynsha halal standarttaryna saı keletin qasaphananyń ortaq jobasyn daıyndap shyǵýdy tapsyramyn», - dedi Bas múftı Naýryzbaı qajy Taǵanuly.

Foto: muftyat.kz