QMDB-nyń Astanadaǵy jańa ǵımaraty 2015 jyldyń sońyna deıin salynyp bitedi
ASTANA. QazAqparat - Qazaqstan musylmandary dinı basqarmasy múftııattyń Almatydan Astanaǵa kóshetinin málim etken edi.
Bas múftıdiń aıtýynsha, bul tarıhı mańyzǵa ıe qadam. Erjan qajy Malǵajyuly Áziret Sultan meshitiniń bas ımamy Serikbaı qajy Oraz ben apparat jetekshisi Ǵylymbek Májıevke QMDB qyzmetkerlerine ýaqytsha keńse tabýdy tapsyrdy. Ústimizdegi jyldyń sońyna deıin Astanaǵa dinı basqarmanyń 15 adamnan turatyn negizgi quramy kóshedi. QMDB baspasóz qyzmetiniń habarlaýynsha, jalpy aýmaǵy 1,5 gektarǵa jýyq jańa ǵımarat 2015 jyldyń sońyna deıin salynyp bitedi. Ol qaladaǵy Áziret Sultan meshiti men AQSh elshiliginiń arasynda ornalasady. QMDB bas keńsesiniń aýmaǵy 11 myń sharshy metrden asady, onda jeke kabınetter, úlken jáne kishi zaldar, tipti, sport kesheni de bolady. Sondaı-aq múftııat qyzmetkerlerine arnalǵan jataqhana men rýhanı ádebıetter kitaphanasy da ashylady. Buryn habarlanǵandaı, Mádenıet jáne sport mınıstri Arystanbek Muhamedıuly Qazaqstan musylmandary dinı basqarmasynyń basshylyǵyn halyqtyń dinı saýattylyǵyn arttyrý jumystaryna belsendi qatysýǵa shaqyryp, ony Almatydan Astanaǵa kóshirýdi usynǵan bolatyn, dep habarlanǵan elorda ákimdiginiń resmı saıtynda.
