QMDB-nyń 30 ıgi sharasy: Jambylda 3651 túp tal otyrǵyzyldy

TARAZ. QazAqparat – Jambylda QMDB 30 jyldyǵyna oraı 3651 tal kósheti otyrǵyzyldy, - dep habarlaıdy QazAqparat.

Bıyl Qazaqstan musylmandary dinı basqarmasynyń qurylǵanyna 30 jyl toldy. Mereıtoıdyń qurmetine QMDB Tóraǵasy, Bas múftı Naýryzbaı qajy Taǵanulynyń bastamasymen «30 jyldyqqa 30 ıgi shara» naýqany aıasynda respýblıka boıynsha 30 000 túp tal egilmek.

«Atadan mal qalǵansha, tal qalsyn» deıdi babalar sózinde. Halqymyzdyń árbir sóziniń astarynda úlken mán jatyr.

Endeshe osyndaı ıgi sharany kúntártibine qoıǵan dinı basqarma dalamyzdyń kórkeıýine de óz úlesterin qosýda. Atalǵan 30 myń taldyń 3651 túbi Jambyl oblysynda egildi. Óńirdiń barlyq aımaqtarynda shyrsha, terek, qaraǵaı, jemis aǵashtary, raýshan gúlderi otyrǵyzyldy.

Onyń ishinde Taraz qalasynda 180 túp, Shý qalasynda 300 túp, Shý aýdanynda 400, Qordaıda 511, Moıynqumda 55, Jýalyda 250, Merkide 280, Talasta 500, Sarysý aýdanynda 300, T.Rysqulov aýdanynda 100 túp bolsa, Baızaqta 280, Jambyl aýdanynda 495 túp daraq egildi», -delingen oblystyq ortalyq «Hıbatýlla Tarazı» meshitiniń baspasóz qyzmetiniń habarlamasynda.

Aıta keteıik, bul mańyzdy sharany meshit qyzmetkerleri, ımamdar, meshit jamaǵaty birlese atqardy.