QMDB meshitte balany urǵan ımamdy jumystan shyǵardy
Qazaqstan musylmandary dinı basqarmasynyń Almaty oblysy boıynsha ókildigi Eńbekshiqazaq aýdany Shelek aýylyndaǵy meshitte bolǵan oqıǵaǵa túsinik berdi, dep habarlaıdy QazAqparat tilshisi.
Áleýmettik jelide taraǵan vıdeoda meshitte namaz oqýǵa kedergi keltirgen kishkentaı balany sapta turǵan ımam uryp jibergen, bala soqqydan qulap túsedi.
Oqıǵa Almaty oblysy Eńbekshiqazaq aýdany Shelek aýylyndaǵy «Hıdaıat» meshitinde bolǵany anyqtaldy.
«Keleńsiz oqıǵadan keıin Eńbekshiqazaq aýdanynyń ákimshilik qyzmetkerleri, Shelek aýylynyń turǵyndary, din qyzmetkerleri, meshit jamaǵaty jáne balanyń ata-anasynyń qatysýymen arnaıy kezdesý ótti. Jıynda "Hıdaıat" meshitiniń ımamy óz qateligin moıyndap, balanyń ata-anasynan, sondaı-aq kópshilikten keshirim surady. Balanyń zańdy ókilderi ımamnyń keshirimin qabyl alyp, eki tarap ózara bitimge keldi», - dep habarlady QMDB-nyń Almaty oblysy boıynsha ókildiginen.
Sondaı -aq Qazaqstan musylmandary dinı basqarmasy osy jaǵdaıǵa baılanysta tıisti qorytyndy shyǵaryp, óreskel áreketke jol bergen din qyzmetkerine shara qoldanǵany aıtyldy.
«Bas múftıdiń buıryǵymen «Hıdaıat» meshitiniń ımamy jumystan shyǵaryldy.Aldaǵy ýaqytta mundaı oqıǵalar oryn almas úshin, ózge ımamdarmen tıisti túsindirý jumystary júrgizilýde»,- delingen málimette.
Posmotret etý pýblıkatsııý v Instagram
