QMDB Mıanma musylmandaryna jasalǵan qasiretti aıyptaıdy
ASTANA. QazAqparat - Qazaqstan musylmandary dinı basqarmasy Mıanmada oryn alǵan qaıǵyly oqıǵaǵa baılanysty qatty alańdaýshylyq bildiredi, dep habarlaıdy QazAqparat QMDB baspasóz qyzmetine silteme jasaı otyryp.
«Jergilikti turǵyndarǵa jasalǵan qasiretti qatań aıyptaıdy.
400-den astam adamnyń ómirin qyrshynnan qıǵan qasiretti oqıǵa álemniń ár túkpirindegi musylman jurtynyń ǵana emes barsha adamzattyń alańdaýshylyǵyn týdyrýda.
QMDB elimizdegi barsha halyqtan naqaqtan qurban bolǵan, zorlyq, zombylyq kórgen adamdar úshin Bir Alladan duǵa etýdi suraıdy. Óıtkeni Alla elshisi: «Duǵa musylmannyń qarýy» degen. Mıanmadaǵy adamdy azaptap óltirýdiń shekten shyqqan bul kórinisi bizdiń de janymyzǵa qatty batty.
Alla Taǵala qasıetti Quranda: «Jazyqsyz bir adamnyń qanyn tógý - jer betindegi búkil adamdy óltirgenmen birdeı», - dep eskertken. Allanyń kúlli adamzatqa jibergen bul ashyq eskertýin umytpaýymyz kerek.
Jaratýshy Iemiz barsha adamzat balasyna meıirim-shapaǵat, beıbit ómir, yntymaq, sabyr bersin!», - delingen habarlamada.
Eske sala ketsek, qaqtyǵystardyń saldarynan Mıanmada 400-den astam adam qaza bolǵan, 50 myńnan astam turǵyn bosyp ketken.
