QMDB: Qurban aıt 12 qyrkúıekte bastalady
ASTANA. QazAqparat - Qazaqstan musylmandary dinı basqarmasy Halyqaralyq astronomııalyq zertteý ortalyǵynyń málimetin negizge ala otyryp, osy jyly Qurban aıt merekesi qyrkúıek aıynyń 12-si kúni bastalatynyn habarlaıdy.
Qurban aıt, oraza aıt, namaz, oraza, qajylyq syndy qulshylyqtardyń merzimi men ýaqytyn anyqtaýda astronomııalyq esepterge júginýge ruqsat etiledi.
Al 11 qyrkúıek, ıaǵnı aıttan aldyńǵy kún - arapa. Arapa - qajylar Arafa jotasynda qulshylyq etetin kún. Qajylyqqa barmaǵan musylmandar úshin arapa kúni aýyz bekitý - mustahab (jaǵymdy) amal.
Ábý Qatada rıýaıat etken hadıste: «Arapa kúniniń orazasy ótken jáne keler jyldardyń kúnálaryna káfárat (keshirim) bolady...» delingen.
Jaǵdaıy bar əri jolaýshy emes musylmanǵa qurbandyq shalý - ýəjip, musylmandyq mindet.
Qurbandyqqa túıe, sıyr jəne qoı (eshki de) shalynady. Bir qoshqar nemese qoı bir kisi atynan shalynady. Al qara mal nemese túıeni jeti kisi birigip, qurbandyqqa shalýǵa bolady. Qurbandyq malyn aıt namazynan keıin aıttyń úshinshi kúni kún batqanǵa deıin shalýǵa bolady.
Qurbandyq etin úshke bólip, taratady. Bir bóligi ózine qalady, ekinshi bóligi aǵaıyn-týys, kórshilerge beriledi, úshinshi bóligi kómekke muqtaj kisilerge taratylady.
