QMDB qorytyndysy: 751 meshitte 45 456 adam dinı saýatyn ashty (FOTO)
ASTANA. QazAqparat - Astana qalasynda Bas múftı Erjan qajy Malǵajyulynyń tóraǵalyǵymen Qazaqstan musylmandary dinı basqarmasynyń 2015 jylda atqarylǵan is-sharalardy qorytyndylaý Tóralqa májilisi ótýde, dep habarlady QMDB baspasóz qyzmetinen.
Aımaqtaǵy, oblystaǵy bas ımamdardyń qatysýymen ótip jatqan basqosýda QMDB Dinı bilim jáne ǵylym bóliminiń meńgerýshisi Baqtybaı Beısenbaev Respýblıka boıynsha 751 meshitte saýat ashý kýrstary jumys istep jatqanyn málimdedi. Onyń aıtýynsha, 2015 jyly osy saýat ashý kýrstarynda 45 456 (onyń ishinde 31 789-y - er, 13 667-i áıel) adam Islam qundylyqtaryn úırendi. Balalarǵa arnalǵan jazǵy kýrstarda 12 152 oqýshy ımamdardyń tálimdik dárisin tyńdady.
Elordada keshe bastalǵan QMDB-nyń Úlken Tóralqa májilisi erteń de jalǵasyn tabady.
