QMDB qajylyqpen aınalysýǵa úmitker týrıstik fırmalar arasynda konkýrs jarııalaıdy
ASTANA. QazAqparat - 2016 jyldyń naýryz aıynyń 2-si men 7-si aralyǵynda qazaqstandyq delegatsııa Saýd Arabııa Koroldigi (SAK) Qajylyq mınıstrliginiń shaqyrtýy boıynsha Jıdda, Mekke, Madına qalalaryna resmı saparmen baryp, osy jylǵy qajylyq maýsymyn uıymdastyrý jumystary boıynsha ekijaqty kezdesýler ótkizdi.
Kelissózder nátıjesinde SAK Qajylyq mınıstrligi Qazaqstan Qajylyq Mıssııasyna birqatar jańa talaptar qoıdy.
Qazaqstan musylmandary dinı basqarmasy qajylyq saparynyń sapasy men qyzmetin jaqsartý, jerlesterimizdiń qaýipsizdigin jan-jaqty qamtamasyz etý maqsatynda 2016 jyly qajylyqpen aınalysýǵa úmitker týrıstik fırmalar arasynda KONKÝRS jarııalaıdy, dep habarlaıdy QMDB Qajylyq bólimi.
Konkýrs talaptary tómendegideı:
1. Týrıstik fırmanyń tirkelgeni týraly kýáliginiń bolýy;
2. Salyq komıtetinde tirkelgeni týraly kýáliginiń bolýy;
3. Týroperatorlyq lıtsenzııasynyń bolýy;
4. QR aýmaǵynda sońǵy 5 jyl ishinde qajylyq jáne ýmra saparyn uıymdastyrǵany jaıly tájirıbesiniń bolýy;
5. Óz qyzmeti aıasynda SAK qajylyq mınıstrliginen (mýhaláfá/ereje buzý) nemese QMDB tarapynan ereje buzǵany týraly eskertpeniń bolmaýy;
6. QR aýmaǵynda keminde halyqqa sapaly qyzmet kórsetetin ofısiniń bolýy;
7. SAK Qajylyq mınıstrliginiń jańa talaptaryna sáıkes, Hadj chek (qajylardy Jıdda-Mekke-Madına qalalaryna tasymaldaý jáne Mına men Arafat jazyǵyndaǵy shatyrlarda ornalasý úshin tólenetin jarna) qarjysynyń keminde 300 kisige tólengendigi týraly túbirtektiń bolýy;
8. SAK Azamattyq Avıatsııa Komıtetiniń akkredıtatsııasynan ótken Áýe tasymalymen aınalysatyn «Eır Astana» nemese «Flaı Nas» áýe kompanııalarynyń operatorlaryna bılet qarjysynyń keminde 300 kisige 30% (paıyz) tólengeni týraly túbirtektiń bolýy;
9. Qajylyq mıssııasyna keminde 300 kisige tólengen jarnanyń túbirteginiń bolýy mindetti.
Eskertpe:
* Hadj chekke baılanysty tólemdi SAK qajylyq mınıstrligine qarasty quzyrly mekemeniń esepshotyna tóleý.
* Áýe tasymalyna baılanysty tólemdi qajylardy tasymaldaıtyn áýe kompanııanyń resmı operatorynyń esepshotyna tóleý.
* Qajylyq mıssııasyna qatysty tólemdi QMDB qarjy bólimine tóleý.
* Atalǵan qujattar men túbirtekter QMDB Qajylyq bólimine 2016 jyldyń 29-shy sáýirine deıin ótkizilýi tıis jáne konkýrstan ótken týrıstik fırmalar men QMDB arasynda eki jaqty kelisimshart júrgiziledi.
